share

Thursday, January 6, 2005

هل تتأثر بالحملات الإعلانيه ....؟


هل تتأثر بالحملات الإعلانيه ....؟

طبعا اكيد بتأثر بالحملات الإعلانيه..... اهو زيى زى اى سخص من ال 70 مليون .....ااقصد  ..77مليون بنى ادم .....
ففى ظل وجود نسبيه اميه تصل الى 45%...... اما الباقى مش فاضى يقرا اصلا ..... وكون التليفزيون موجود فى كل بيت..... وهو ارخص وسيله تسليه لدى الغالبيه العظمى للشعب...... وهو وسيله الثقافه الوحيده المتاحه .....وخاصه بعد  ظهور الدش وقنواته الى مسحت التليفزيون الحكومى بتاع الرياده باستيكه.......
 بالإضافه الى ان الناس فى الشارع هتبص ع العربيات والأتوبيسات والحفر والمطبات..... و لا هتتسلق الأرصفه الى بلدوراتها اعلى من 50 سم ......ولا هتتابع الإعلانات اللى فى الشوارع ؟؟.....
 عشان كده كان لازم الشعب كله يتأثر بالأعلانات التليفزيونيه .......من باب ان الزن ع الودان امر من السحر ......وتلاقى العيال فى البيوت والشوارع ماشيين يغنوا جميع اغانى الإعلانات..... بدأ من حسنين ومحمدين .......وانسف حمامك القديم...... ومرورا بمشروع الدكتور...... وادى ضهرك للترعه ... وحتى محمود ايه دا يا محمود.....
اما الشراء فدا موضوع تانى خالص....... مالوش دعوه بالحمله...... ويتحكم فيه تماما الحاله الإقتصاديه للمواطن ......اللى هيه فى الغالب ج...... وبعد الج بشارعين...... ودا برضه باعتبار ان نسيه كبيره جدا من الشعب تحت خط الفقر...... ودا بمعايير الأمم المتحده ......اللى بتعتبر المواطن الى بينفق اقل من دولارين فى اليوم تحت خط الفقر.......فلو طبقنا المقياس دا هتلاقى الشعب معظمه مش بس تحت الخط دا تحت جميع الخطوط....... وتحت الصفحه كلها...... اضف الى ذلك قناعه تامه لدى الناس ان السلعه التى يتم الإعلان عنها فى الغالب سلعه مضروبه...... ولو هى فلحت فى السوق طب كانوا بيعملولها اعلان ليه ؟؟؟؟....... ويعزز من ذلك الإعتقاد ان غالبيه الإعلانات لا تلتزم بالدقه او الصدق ودايما فى خدعه ما فى المنتح اما فى العبوه او السعر او الجوده ........ اضف الى ذلك سذاجه بعض الإعلانات زى سمنه ابو قردان اللى تخلى جوزك ما يهوبش ناحيه الشارع......... وشاى العفريت الى يخليك تخبط راسك فى الحيط ........او مثلا الحملات الإعلانيه الوطنيه التى يغنى فيها مطرب شاب هارب من التجنيد.....عشانك يامصر .... ....


No comments:

Post a Comment