منذ نعومه اظافرنا..... وكلنا نعلم من افلام اسماعيل يس..... ان "الشرطه فى خدمه الشعب".... الا ان البهوات والباشوات لا يعجبهم ان يكونوا فى خدمه الشعب...... اللى كله عمال و فلاحين.... وصنايعيه ....وعالم بيئه.... لا يصح ان يكون الباشوات فى خدمتهم......
بالرغم من ان الشعب هو مصدر السلطات و الباباغنوج والذى منه..... ولذلك قام احد الجهابذه بتغيير الشعار وجعله "الشرطه والشعب فى خدمه الوطن"......وكويس انه مخالهوش ....."اللى مالوش خير فى حاتم ....مالوش خير فى مصر ....." ......وبجد وحقيقى انا مش فاهم ايه الفرق بين الشعب والوطن؟؟؟.....وهل هناك وطن من غير شعب .....ولا شعب من غير وطن؟؟؟؟.......ودا الكلام اللى بيقولوه "اولاد العم" وبيغالطوا بيه الناس عشان يا خدوا فلسطين....... دا حتى الوطن من غير شعب يبقى دمه تقيل وفاضى كده ومالوش لازمه... وجنه من غير ناس ما تنداس ما عليينا....وكيف يكون الشعب فى خدمه نفسه؟؟؟؟
لو حد قرا الدستور اللى عايزين مره يغيروه... ومره يعدلوه...ومره يحذفوه... بيقول ان الشرطه هيئه مدنيه نظاميه ...وتؤدى الشرطه واجبها فى خدمه الشعب اى والله الدستور اللى قال انها فى خدمه الشعب وتكفل للمواطنين الطمأنينه والأمن العام...
الأمن يا ترى أمن ميين بأه أمن الشعب ولا أمن الوطن؟؟؟ولا امن الباشوات؟؟؟؟ اكيد امن الشعب ...
ثم سمعت اقتراحا بتغييرالشعار ليكون "الشرطه والشعب فى خدمه القانون"؟؟؟؟ ومره اخرى لا افهم كيف يكون القانون اللى الشعب عامله عشان ينظم حياته ...ويمشى بيه اموره يعنى... فيكون هو اللى فى خدمه الشعب مش الشعب اللى فى خدمته ثم مين اللى بيغير الشعار من غير ما يرجع للشعب مش مفروض حد ياخده رأيه فى الشرطه بتاعته وانا اراهن ان الشعب هيكون عنده 100 شعار للشرطه احسن من الشعار اللى هما حاطينه زى..." يد الشرطه فى جيب الشعب"...مع تحياتنا للساده الأمناء او" كف الشرطه على قفا الشعب"... مع تحياتنا للساده المخبرين...او"زوجه رجل مهم" مع تحياتنا للساده الضباط ..."على بابا و 40 مليار حرامى"... مع تحياتنا للساده الحراميه......
واكييد اكييد لو فى استفتاء من الشعب على الشرطه الحاليه هيلغيها ويقعد من غيرها بالرغم من معرفه الشعب انه يشيل كليته اسهل ولا يشيل الشرطه الحاليه ....بعينها بغباوتها .....انت ماخدمتش معانا قبل كده ياغسكرىىىىىىىىىىىى....... من حياته خالص...
بس دا من زهقه من عمايلها فيه فى المرور وفى الأقسام وكمان فى الإنتخابات حيث تقوم الشرطه بدورها الخالد فى مساعده الشعب ووتسويد بطاقات الإنتخاب بدلا من كل من لا تساعده الظروف عشان ييجى ينتخب بنفسه بما فى ذلك الإخوه فى طرب الإمام وطرب الغفير والبساتين ....
. وقد اصبح دعوه الشعب الدائمه هى ربنا ع الظابط والمفترى وابن الحرام فى توريه رائعه اذ كلنا يعرف مين هو الظابط.... و مين هو المفترى... ومين هو ابن الحرام....الى جايين فى دعوه الشعب......
واخيريهيألى ان الشعب كله نفسه يقابل الشرطه الى كان بيشوفها فى افلام اسماعيل يس العسكرى الطيب اللى واقف يحرس الشارع ويقول هااااااااااا مين هناك.. ساعتها اعتقد ان الشعب هيشعر جدا بشعار الشرطه الجميل انها فى خدمته هو ومش فى خدمه اى حد تانى....بدلا من الوضع الحالى ....حيث تحول الشعار الى "الشرطه فى ........عرض الشعب ".....

