لا لخلط الدين.......... بالكنافه

لا لخلط الدين.......... بالكنافه

جميع الأخبار التى ترد وتصدر عن المحروسه ....هى اخبار عاديه .....ولا تثير اى نوع من انواع السخريه ....و كما قالت نعيمه الصغير ........."متلقا".....الى هيا ...مطلقا ......ابسلوتلى .....على رأى اللمبى ...

فمثلا .....لم تعلن الحكومه عن اى موعد حتى تاريخه ..... للأنتخابات البرلمانيه .....وفى الواقع هو ماحدش عارف ميعاد الانتخابات...... لكن المتحدث الرسمى لرياسه الجمهوريه قال ان السيسى ابلغ الأمريكين انها هتبدأ ...فى مارس ....والى هنا والخبر عادى جدا زى مانتوا شايفين .....

يرفض محافظ الشرقيه رغبه اهل الشهيد المجند .....كيرلس ...فى اطلاق اسمه على احد المدارس ....بحجه انه "حايلاه ...حته مجند"......عادى جدا ... 

يلقى البوليس القبض على اتنين فى المترو ....لآنهم بيتكلموا ......انجليزى .....عادى جدا ...

يلقى البوليس القبض على مجموعه من الشباب ....فى حمام بلدى ....ويتهمهم يالشذوذ.....عادى جدا 

تصطدم طائره بميكروباص ....فى مطار القاهره .....عادى جدا ..لا جديد

ثم يقود رئيس حى عابدين ....حمله لتكسير وأغلاق مقهى بوسط البلد .....لأنه بيقعد عليه ملحدين وعبده شيطان ......عادى جدا فى بلد متدين .....بطبعه.... ومتنيل بطباعه ....عادى جدا 

ثم يطالب هيكل بثوره بيضاء فى مصر ....عادى جدا ...بس ماحدش قالنا لغايه دلوقتى الثورات الى فاتت ....كان لونها ايه ....؟؟؟وموضه الثوره البيضاء دى طلعت امتى؟؟؟.....عادى جدا .....

ثم يعلن احمد عز ....عن نيته لترشح فى البرلمان القادم ....ثانى برلمان بعد ثوره25 والأول بعد 30 يونيو ......عادى جدا....

بل انه شئ اقل من العادى فى السياسه ....فى بلد يؤيد ليبراليوه ....حكم العسكر ......ويدعم اليسار حكم اليمين المتطرف......ويتضامن فيه الأخوان ....مع الملحدين......

اخير.....كان الخبر الوحيد العادى ...ان رئيس الحمهوريه .....امر بصرف شهرين ..مكافأه للمسئولين عن زيارته لدمياط .......

ولا عزاء ......للمشبك

اخر برج ......

 

اخر ......برج ....

 

والأن عزيزى المواطن الغلبان_الشهير بسياده المواطن ......ولابد انك فى قمه ....السعاده والنشوه .....من العيش والعيشه واللى عايشينها ....

ونفسى اشوف شكل وشك ......لما سمعت الخبر العظيم ......عن التاكسى الطائر .....اى والله ...فقد اهدى الينا قائد الجوات الجويه ......هذا الخبر ......واعلن عن بدء خدمه التاكسى الطائر......

......وانا اعتقد انه حل عبقرى ولوذعى لأنهاء ازمه المواصلات فى بر ....مصر.......والقضاء نهائيا على زحمه المرور .....

وايييييييييييييييييييهههههههههه..........دنيا ......

فين ايام اول طلعه جويه ........فشخت نافوخ الحريه ......ترسى فى النهايه على التاكسى الطائر .......وياترى التاكسى الطائر دا ...هيبقى اسود ولا اصفر والا ابيض من ابوخطين ....المكيف......

وقد سألنى احد اصدقائى المخلصين......عن موقف الحكومه ...من الفقراء والمهمشين .....الى معاهمش اجره التاكسى الطائر ....قلتله....ماتقلقش ....اكيد الحكومه عامله حسابهم ....وهيبقى فى ان شاء الله ميكروباز طائر ........ومنيباز طائر.......ومشروع طاير لإخواننا الإسكندرانيه .....وكله هيبقى طاير ......وهيطيرولنا كمان البرج الى فاضل ...

وأصر صديقى ان يعرف اذا كان هيبقى فى  "تك تك" طائر ولا لأ........قلتله .....الحقيقه دا موضوع محرج .....وانت عارف ان الحكومه تبعنا ....لا بتحب التك تك ....ولا الى بيجيب سيرته ......

والمشروع دا ان شاء الله هيكون باب رزق واسع للشباب ....فكل شاب يقدر يحول سطوح بيتهم ...لموقف للتاكسى الطائر .......وبشويه امكانات بسيطه يقدر يعمله مركز خدمه وصيانه ....وغسيل وتشحيم والذى منه .....وخصوصا من كان يعمل منهم سابقا فى وظيفه "ديليفرى" طيار.......عند الشبراوى او التابعى الدمياطى ....

وقريبا سنرى جمل جديده .......تجوب سماء القاهره  مثل

"لا بوينج ....ولا ايرباص..........احنا بتوع الميكروباص....."

"الحلوه عزه ............تغنيك عن اللوفتهانزا..................."

"الحبايب توهونى ........وبرج المراقبه ودانى ................"

"متقولش بكام ........دى جايه بدهب المدام...................."

"دلعها فى الغيارات القويه.......تريحك فى المطبات الجويه..."

 

ده غير ان معظم فتيات مصر هيقدرا يحققوا امنيتهم ......وكل الى سقطت فى اختبارات مصر للطيران ....هتحول تنسيقها ع التاكسى الطائر ان شاء الله .....

طبعا دا غير التاكسى الطائر الى هيكون شغال بالنفر بين المحافظات .....

وقد بدا لى بوضوح صحه موقف الحكومه السابق من مطار امبابه ...وكيف سعت بكل جهدها ....الى تحويل اراضيه الى اسكان فاخر ..." للشباب" .....واحنا اللى كنا ظالمينهم وفاكرينهم .....هيتصرفوا فى ارضه..... دكاكينى كالعاده ....وهما ياحرام .....بيجهزوخ للمشروع العظيم دا ......

واخيرا وليس اخرا .....ذكرنى ذلك التصريح ...باعلان ظريف جدا للأخ..... طارق نور ......حين وقفت فتاه الأعلان الجميله ....تردح لزوجها .....فى اول يوم زواج ...وقد وجدت الشقه ع البلاط ......

"تلاجتين ياعبدالستار ...................ومفيش سفره "      ؟؟؟؟؟؟؟؟

وعظيمه يامصر .......يارض اللوا....

 

يبقى انت اكيد فين ؟؟؟؟

                                         يبقى انت اكيد فين ؟؟؟؟                                        

 والان  عزيزى المواطن الغلبان _الشهير بسياده المواطن.....ولابد انك فى قمه السعاده والنشوه ....من العيش والعيشه واللى عايشينها ....

ولما تفتح التليفزيون ....ع القناه الأولى ....وتلاقى المذيعه ....الى هى حيه عبدون ....بتقولك ......ان شيخ الأزهر الوسطى السمح الشريف .....رازع الشيخ برهامى ......زعيم السلفيين ....."الكيوط "....محضرين فى القسم على غير ريق.....تبقى انت اكيد .......تبقى انت اكيد ....اكيييييد ....فين ؟؟؟؟

ملحوظه ......يستخدم مع مثل هذه التصريحات .....مجموعه من التعبيرات ....زى ....تجديد الخطاب الدينى .....وشعب متدين بطبعه ......ولا لخلط الدين بالسياسه ...وكدهون ...

ثم يتحفنا وزير الكهربا بتصريح تاريخى .....عن انقطاع الكهربا فى تلتين المحروسه .....لمده 5 ساعات تقريبا ....ويعلن ان دى مناوره ....وانا اقترح عليه يسميها مناوره النجم "القاطع"......ويهديها تحيه للأسطول السادس الأمريكى .....مصحوبه بضرب 21 مدفع ......و5 جوينت .....لزوم الدماغ ...والضغط العالى .....وبعدين فين "اللمض"....الموفره .....ياراجل ......مش مفروض تطلعها فى المناوره ......وعلى رأى يسرى فوده ....من اين جاءت الأحمال ....بينما كنا نياما .....

واعجبنى ان تواكب دار الأفتاء تبعنا .....احدث خطوط الموضه .....فتصدر فتوى لمنع الشات المختلط وتبادل الصور بين الجنسيين .....ردا على فضيحه تسرب صور عاريه لمجموعه من الممثلات الهوليوديات .....مما يعنى اقترابنا من العالميه ....بالأغراق فى المحليه .....وتزيدنا من الشعر بيت .....بمنع برنامج الراقصه دينا ....حفاظا على قيم الأخلاقيه للأسره....اه والله ...زمبؤلك كده .....والسؤال .....ماذا كان موقف الدار ....فى الرقص فى الشوارع...... على ابواب لجان ....الأنتخابات .....انتخابات الدستور ....عشان ماحدش يفهمنا .....غلط .....

ثم يعلن وزير التعليم ....عن تدريس الأعجاز العلمى فى القرأن فى مناهج التعليم ....وكل كلمه من هذه الجمله .....تحتاج لدراسه مفصله ....قبل ان ندرسها مجتمعه ....لأطفالنا ....ونحن نعجز عن نشرح لهم ....سلاح التلميذ .....ونطالبهم بالأشتراك فى الدروس الخصوصيه عند مسيو عبدالجبار.....قاهر التتار...ومحطم الأصفار.....   

فى بلد يتهم مواطن بالتجمهر على خلاف القانون ...رغم القبض عليه منفردا ....فى يوم مفيهوش مظاهرات ....من محطه الأهرام .....بمصر الجديده....لن ادعوك عزيزى ان تحذو حذو الأسلام الوسطى ......كما تخيله محمود سعد .....وتطرقع كاسيين بيره ....بالفانله .....مع المدام .....وانتوا بتلعبوا كوتشينه فى البلكونه ......

ولكن ...انصحك ....ريلاكس "بس مش هاتعرف تاخد شور عشان الميه مقطوعه"....

واستمع صديقى.... الى.... عمرو دياب.....يصدح ....واهو بكره نقول..... كانت ثوره .....وعشنالنا يومين.......

اقولك حاجه ....مش احسن ماكنا نبقى زى  سوريا والعراق.....

الصوره لعامود كهربا ينطلق ويصيب الهدف بنجاح ........اثناء المناوره 

بيجيبوكوا ....منين....

بيجيبوكوا ....منين

 والان  عزيزى المواطن الغلبان _الشهير بسياده المواطن.....ولابد انك فى قمه السعاده والنشوه ....من العيش والعيشه واللى عايشينها ....

وعملا بنظريه الأوانى المستطرقه .....تعجبنى تصريحات الساده الوزراء ....فيعجبنى تصريح وزير التموين عن السياسه  الخارجيه......فبالتأكيد من اعلن ان مصر تؤيد المالكى .....لم يكن يقصد المالكى رئيس وزراء العراق......لكنه اكيد كان يقصد المالكى بتاع اللبن اللى فى الحسين .....حيث لا تفرق وزاره الخارجيه لدينا .....بين البان المالكى .....فى الحسين ....والبان كوسوفا....فى اوروبا....

اذ كيف تؤيد مصر حكومه عليها خلاف من الكل ....الشيعه قبل السنه ......وقد اصدر  السيد المالكى ما يقرب من خمناشر حكم اعدام على شريكه ممثل السنه السيد الهاشمى ....فى الحكومه الى نجحوا بيها سوا فى الأنتخابات....وامريكا بذات نفسها الى عملته ...نفضت ايدها منه ....وسابته فى مهب الريح....

ولا نستطيع ان ننسى بكل اسى ....ان اخر سفير مصرى فى العراق ....قتل بدون رحمه وبلاهواده وبلا اى سبب .....اللهم الا اعلان نوايا.....

ولابد انك انتابتك الرعشه من تصريح وزير التموين .....ان كيلوا الفراخ ب 75 قرش......ياترى مين فى مصر لسه فاكر القرش ....او شافه اصلا....او يسمع عنه .....ودا تصريح يناسب اكتر هيئه الأثار .....اللى وزير التموين عايز يحييى ايامها ....وينشط السياحه اكيد على سيرتها .......لأنه بالتأكيد كان يقصد عوده السحتوت والجنيه الجبس.....والطربوش....حين يتحدث عن كيلو فراخ ب75 قرش....فى حين ان البيضه بجنيه ......وهنا بكى كل من ماركس وانجلزوأدم سميث وطلعت حرب  ....وجميع اساطير الأقتصاد ....ونحن ننتظر عوده السحتوت وعلى احد وجوهه النسر...شعار الجمهوريه ...وعلى الناحيه التانيه بيضه....والساعه بخمسه جنيه .....والحسابه بتحسب...

وانا كمواطن صالح يدعم جيش بلاده ....اشتريت كحك العيد ....من الهيئه الهندسيه للقوات المسلحه ....كحك عيار اتنين ونص بوصه و بتى فور قطر نص بوصه ....وبسكويت عيار 9 ملل طويل  وملغم بالعجوه ....ومفخخ بالملبن ...ومنزوع الدسم ...والسكر بره...

وبدأت افهم ليها الجيش اجل جهاز الكفته .....اكيد لزوم العيد الكبير ......وانا متعاقد على سيخين مسلحين بالكفته ومزودين بالسلاطات والى منه ....

وسأشترى لأولادى هدوم المدارس من سلاح الأمداد والتموين .....وسأتعاقد مع البحريه المصريه العريقه لأصلاح السيفون والبانيو ....فى شقه جوز خالتى ....وقد اطلب من خبراء هيئه قناه السويس .....تنظيم رحله بحريه للأولاد فى العيد .....فى القناطر

وتسلم الأيادى ....وبشره خير ....وحصل خير .....واقعدوا بالعافيه.....

وقد تبرعت للأخوه فى غزه ....بموبايل اى فون جديد لتحديد مواقع الصواريخ التى تطلقها اسرائيل من العريش .....وان شاء الله العيد القادم سأتبرع لهم باشتراك نت فى شبكه ساويرس الباكستانيه ....

وقد اعلنت عن جائزه عظيمه ....وهى تنازلى عن بطاقه التموين ....لكل من يستطيع ان يعرف اسم وزير الخارجيه فى مصر .....

فى حكومه يختلط لديها الخارجيه بالتموين .....والأمن الكحك......لا يسعنا الا ان ندعو ...أبانا الذى فى الشئون المعنويه .....ماتبسطهاش اكتر من كده....

التاريخ ....المعاكس

 والان  عزيزى المواطن الغلبان _الشهير بسياده المواطن.....ولابد انك فى قمه السعاده والنشوه ....من العيش والعيشه واللى عايشينها ....

ولذلك قررت اخدك النهارده فى فسحه صغيره حول العالم ....من غير مانروح بعيد ....

يتذكر الأمريكان فى هذه الأيام رونالد ريجان ويترحمون على ايامه ....ريجان الذى كتب بدايه النهايه لأتحاد السوفيتى السابق......

فشل ريجان فى التمثيل.... ونجح فى السياسه.....فصار رئيسا للجمهوريه ....وانتقل من هوليود الى واشنطن .....

فى بلادنا من يفشل فى السياسه ....وينجح فى التمثيل .....يصبح ايضا رئيس حزب .....ومرشح سابق للرئاسه .....وقد يصبح .... رئيسا للجمهوريه ....

ويجب ان تذكر نحن ....سايكس وبيكو ....الى هما اتنين مش واحد بالمناسبه ..."فرانسوا جورج بيكو....ومارك سايكس"........ذكرتنا بهم داعش وهى ترفع العلامات الحدوديه .....بين سوريا والعراق...........بعد قرن من الزمان تقريبا .....

لمن لا يعرفهما ...سايكس الإنجليزى وبيكو الفرنسى ....وفى قاعده صفا ...هما الى قسموا اراضى الدوله العثمانيه السابقه بعد هزيمتها فى الحرب العالميه الأولى .....وتسبببوا فى ظهور التقسيم السياسى للدول العربيه بشكلها الحديث فى القرن العشرين....

داعش تكتب تاريخ المنطقه الجديد بأسرع مما نتصور....

تعتقد امريكا ....ان داعش اخطر من  القاعده ......

خوف امريكا من ظهور خلافه سنيه ...يدفعها للتقارب مع ايران.........وقد تفلت ايران بسلاحها النووى من هذا المنفذ.....

للمفارقه يثير هذا التقارب حفيظه  السعوديه ....وياللعجب اسرائيل .....للحد الذى يدفعها لعرض المساعده على حكومه المالكى.....

تتحالف السعوديه مع مصر ....تحالف عالى التكلفه .....

تهدد داعش ....حكم العسكر فى مصر .......الذى انهى اسطوره حكم الأخوان.....الجماعه الأم ......للإسلام السياسى ......والنموذج الذى وصل للحكم فعلا .......او هكذا تكون الدعايه المضاده...

يستهين جنرالات الجيش المصرى بهذا التهديد ......ومعهم كل الحق .....ان صح ...

لكننا لايجب ان ننسى .....ان حزب الله صد هجوم الجيش الأسرائيلى وحده ......فى اخر حرب شنها على لبنان ....

وان الجيش السورى الحر ....كاد ان يهزم جيش بشار العلوى ....

هل كانت داعش ستظهر فى سيناء......لو استمر حكم الإخوان .....؟؟؟

يذكر ان مجلس التعاون الخليجى ...ولأول مره فى تاريخه...... كان قد ضم دولتين عربتين غير خليجيتين بالمره....هما المملكتين .....المغربيه والأردنيه .....كان هذا وقت اندلاع الربيع العربى .....

رفضت عمان فيما بعد مشروع سياسى للوحده بين دول الخليج وهددت بالخروج من المجلس.....
وسبقتها الأمارات ....حين هددت بالخروج من المجلس ....اذا لم تحصل على المقر الأقتصادى والمالى للمجلس ......فى دبى ....

يعطى وجود داعش ....غطاء سياسى لبشار ويمنعه من السقوط......

يقاتل حزب الله فى جانب  بشار.......

تساند السعوديه وقطر ....الجيش السورى الحر لإسقاط بشار....

تقف روسيا والصين فى جانب بشار.......

روسيا تحافظ على اخر معاقلها .....فى مياه المتوسط الدفيئه.....

وتقايض ....موقع قدمها فى سوريا بموقع القدم الأخرى .....عبر المتوسط فى اوكرانيا.....

وجود داعش يسمح للأكراد بمطالبه بدوله خاصه بهم ......

تقف تركيا ضد الأكراد .....وضد بشار.....

تعانى لبنان والأردن ....من تدفق اللاجئين السوريين .....ولا تعرف كيف تتعامل مع هذه الأعداد المتزايده ......

تعجز الدبلوماسيه الأوروبيه عن ان تجد لها اى دور تلعبه فى ها الصراع ......

كلما زاد عدد اطراف اللعبه ....كلما زادت الخيوط ...........تعقيدا

اعتقد ان "دان براون"  نفسه صاحب شفره دافنشى .....لم يكن ليمتلك  خيال خصب ليكتب نهايه مثل هذا الموقف المعقد.....

اذا فشل الحل السياسى بين هذه الأطراف مجتمعه .......وهو بالمناسبه يكاد يكون مستحيلا.....سيكون البديل كلمه واحده .......

التى ستكون بالطبيعه عالميه..... وحسب الترتيب التاريخى تحمل الرقم 3.....

الكلمه هى ...........الحرب 

علل.....

 والان  عزيزى المواطن الغلبان _الشهير بسياده المواطن.....ولابد انك فى قمه السعاده والنشوه ....من العيش والعيشه واللى عايشينها ....

ويتواصل المد الثورى فى مصر ....وتبعا لنظريه اللأوانى المستطرقه .....تنتقل التسريبات ...من الفضائيات ....الى الأمتحانات......ومن التليفونات .......الى لجان الأمتحانات......وعما قريب ستتولى وزاره الأتصالات مكتب التنسيق.....وسيتم استبدال ارقام الجلوس بالأرقام السريه ........وسيتم توزيع ارقام الجلوس للتلاميذ من اقرب مقر لأمن الدوله  ......وكما تؤمن الشرطه لجان الأنتخابات ولجان الأمتحانات......قد تتولى فى القريب العاجل تأمين ....السنترالات ....ومدينه الأنتاج الأعلامى .....

وسبحان المعز المذل....بغداد حاضره الثقافه العربيه لقرون ..... مدينه هارون الرشيد.....على وشك السقوط فى ايدى داعش والعصابات المسلحه .....بغداد التى حكمت العالم قرونا .......واستعصت على التاريخ ....والتى لم يهزمها ......الا.... المغول....قاب قوسين او ادنى من الضياع مجددا.....

وتعجز حكومه المالكى..... عن الدفاع عنها .....او فرض حاله الطوارئ.....التى فرضها صدام بسيفه الذهبى عقودا.......وللمفارقه....لعدم اكتمال مجلس النواب.....وللنكته ...لرفضهم .....او خوفهم من الحضور .......وانا انصح الأخ المالكى ....يعمل جايزه للحضور .....رز بلبن ....او ام على ....او ....."عاشوراء"....

وهنيئأ للأخوه الأكراد .......دولتكم التى تتشكل فى سوريا والعراق.....من رحم الضعف والأستبداد العربى ....نراكم قريبا فى بورصه بترول كركوك.....

وعما قريب سنرى ملوك الطوائف ......ولكن حول بغداد هذه المره يتقاتلون ....ولمن يتهمون الثوره والثوار.....لماذا لا تتهمون الأنظمه الفاسده ....التى صنعت كل هذا .....

لذا اقترح على القضاء المصرى الشامخ .....الذى برأ حبيب العادلى اخيرا .....ان يرسله ليستعيد التوازن الأمنى فى هذه المنطقه ....وممكن ياخد معاه فرقتين تلاته امن مركزى .....وكام عربيه تشكيلات .....

بعد العاصفه .....

بعد العاصفه .....

 والان  عزيزى المواطن الغلبان _الشهير بسياده المواطن.....وبعد خروجك من الصمت الأنتخابى .....والرقص ع اللجان .....والهرى فى النتايج........

خلاص بقى هرجنا كفايه ولعبنا كتير .....هتاخد السنه كلها لعب ولا ايه ....عايزين نركز شويه ...عشان برده جايلك امتحان صعب .....وكله من خارج المنهج ....وكتاب الوزاره ما يعرفوش.....والأمتحان ..اكيد ...اكيد ...هيكون فى مستوى الطالب المتخلف .....

                                                               

فى الأيام القادمه سيصبح لمصر رئيس جديد.....ولابد انه كتب على كرسى الرئاسه .....ان الحلوه خوخه .....جت بعد دوخه ....

ومتبصش للنسبه المئويه ......بص للعمليه الأنتخابيه .....

لكنه بالتأكيد لن يتكلم عن سائقى التك تك ....كما فعل المعزول ....مرسى

لاحظ اننا حاليا ....عندنا رئيسين فى السجن واحد مخلوع و....واحد معزول......

ورئيسين فى القصر ......واحد معين و.........واحد منتخب......

ولايهمك وما تلخبطش نفسك ......شده وتزول .....ويبقى ليك عن قريب رئيس واحد ....ان شاء الله .....

والواد  ابن ابو سليم ابو لسان زالف ........بتاع كفر الهنادوه .....بتاع عمنا مصطفى حسين فاكرينه .......السئيل الى بيسأل ...وداير يلسن .......الرئيس الى جاى هيحلف اليمين ادام مين؟؟؟؟ياترى ؟؟؟؟الرئيس اللى هوا عينه ......ولا المحكمه الدستوريه؟؟؟ولا فى الميدان .....نحب نقوله ....ولا مكان من دول خالص .....ابسلوتلى ....على رأى اللمبى....الرئيس الى جاى.....هيفاجأك بحاجه جديده خالص .....زى ماهو معملش برنامج ....و نجح ...ومعملش حمله وبرده الناس ايدته ....وعمل اغنيه وطنيه غناها الأخ الجسمى .......الأماراتى .....وجاب لينا مراقبين على الأنتخابات من دوله لم تعرف الأنتخابات فى تاريخها ......زى السعوديه .........احتمال ما يحلفش ويخلى اللى انتخبوه هما الى يحلفوا .....وحياه الأخوه .....هقول الحق.....زى ما حلف الزعيم.....لما كان شاهد ماشفش حاجه .....

مش مهم اليمين دا....

المشكله ياعزيزى المواطن وياسياده الرئيس ..انه لسه الملفات كلها مفتوحه ....ولسه الأغانى ممكنه ....وكأنك يابو زيد ....ماغزيت......

كلمنى عن .....العداله الأنتقاليه ....البطاله ...عجز الموازنه ....الأنحيازات السياسيه....الداخليه منها والخارجيه ....الكهربا ....البطاله ...المرور.....التحرش

الأمن .....قولى اخباره ايه .....

متهيألى ان قوات حمايه المواطنين....انتقلت للعمل على مواقع التواصل الأجتماعى.....

وتعالى نلضم اسامينا ...الفله جنب الياسمينا ....من فينا ومين فينا .....وقولى ...هتكون شغلتك ع المركب ايه .....فى النظام الجديد.....وايه لونك يافسوانى........عشان الحكايه من غير طعم .......وتكلم .....لكى اراك.....والنبى تبسم .....وحصوه فى عين الى ما يصلى ع النبى .......

سياسه مين دى....... ياواد يامزيكا

ولا بد عزيزى المواطن الغلبان _الشهير بسياده المواطن_ انك فى قمه الفرح....لما تعرف السياسه الخارجيه العظيمه لمصر ...........

ولا بد انك كنت طاير من الفرح لما سمعت وزير الخارجيه العظيم نبيل فهمى يصف العلاقه بين مصر وامريكا ...انها علاقه شرعيه ...وليست نزوه عابره ....

وبغض النظر عن التشبيه العظيم ....

اخر واحد قال كلام زى ده .......اللى قتله بقى رئيس جمهوريه .....

ولكل من لم يشاهد فيلم "ايام السادات"....قال امين عثمان وزير الماليه ايام الملك تصريح مشابه عن زواج كاثوليكى بين مصر وانجلترا .......كلفه حياته الحقيقه ...

اما انا ....فلم يذكرنى التصريح بأمين عثمان ...مطلقا.....ابسلويتلى....على رأى اللميى ....فكرنى بعزيز عثمان ...فى فيلم نجيب الريحانى وهو بيغنى "بطلوا ده واسمعوا ده ...ياما لسه نشوف وياما .....الغراب ياوقعه سوده ...جوزوه احلى يمامه ....."...

وبعدين ....عصام شرف يقولك "لن نركع "....وييجى الجنزورى يقولك "لن نركع ".......وييجى عمرو موسى ويقولك .... "لن نركع "....

وبعدين تييجى انت وتقول الكلام ده ....

الخارجيه المصريه ....مدرسه عظيمه ......خرج منها من استقال انتصارا لرأيه ضد رئيس الجمهوريه وهو للمفارقه اسماعيل فهمى _ابوك ....ياساده الوزير _ ...... ...وخرج منها من صار امينا عاما لجامعه الدول العربيه ...._ولو انه مش منصب يعنى _....زى عصمت عبدالمجيد وعمرو موسى .....وخرج منها من صار امينا عاما للأمم المتحده ....زى بطرس غالى كده ......

لكن زى ما مدرسه عاشو ر .....خرجت دكاتره ومهندسين ..وظباط ...وحراميه ...برده الخارجيه تبعنا ....خرجت وزراء زى احمد ابو الغيط ....اللى سمح لتسيبى لفنى ...وزيره خارجيه اسرائيل ان تعلن الحرب على غزه من القاهره .....ونبيل فهمى ...اللى دخل التاريخ بالتصريح ده ....اه هنقول ايه ...هو دا حال الدنيا ....وصوابعك مش زى بعضيها ....ويخلق من ضهر العالم ....عالمه ...

لكن فى اطار هذا التصريح ....سيادتك لم تعلن لنا .....بماذا يسمى التقارب المصرى الروسى ..الذى تدعيه الخارجيه منذ زياره السيسى لروسيا .......وكيف سيؤثر على العلاقه"الشرعيه" ....بين مصر وامريكا ....

وكيف نصف العلاقه مع الدول الشقيقه ....زى السعوديه والأمارات ....خصوصا ....ان مصر هى الشقيقه الكبرى ....الأوصاف هنا يمكن تمنعها رئاسه الوزرا .....زى ما منعت فيلم "حلاوه روح".....بالظبط .....ولنفس الأسباب .... 

"نبيل فهمى هو ابن إسماعيل فهمى، وزير السياحة والخارجية الأسبق. وسر أداء الوزير يرويه لنا الراحل الفريق سعد الدين الشاذلى فى مذكراته إذ يقول إنه أثناء حرب أكتوبر، وردته مذكرة من هيئة التنظيم والإدارة تطالب بإعفاء ابن الوزير إسماعيل فهمى من الخدمة فى القوات المسلحة كجندى وإلحاقه بالمخابرات العامة. فهم الشاذلى أن الأب يستخدم نفوذه لإبعاد ابنه عن أتون الحرب، فرفض الطلب بشدة لعدة مرات. إلى أن تم التحايل على الموضوع بأخذ موافقة وزير الدفاع أحمد إسماعيل، الذى وافق على إعفاء ابن الوزير فى مقابل تعيين ابنه هو ضمن وفد مصر بالأمم المتحدة فى نيويورك"

هذا ما كتبه رامى جلال عامر فى المصرى اليوم نصا 

عزيزى وزير الخارجيه المصرى السيد نبيل فهمى ......سمعت عن سياسه الوفاق .....ياواد يامزيكا ....

لمن الفحم اليوم ....؟؟؟؟؟

لمن الفحم اليوم ....؟؟؟؟؟

.... حبيبى وعزيزى المواطن الغلبان .........الشهير بسياده المواطن..... ولابد انك سعيد وطاير من الفرح .....ان مصر لما معرفتش توصل لأى مونديال فى التلاتين سنه اللى فاتت...وبعد سنوات الكور الضائعه ......رينا كرمها وعلى ارضها يقام مونديال كامل بحاله ......كاس العالم فى الشيشه..........ودا اكيد تماشيا مع سياسه حكومه السيد محلب.. ....والتى قامت بنقله سياسيه نوعيه ....فبدلا من الحديث الثورى عن الخروج الأمن للعسكر .............اصبح الحديث الفورى عن الأستخدام الأمن .....للفحم...

ودا اكيد يظهر سعى الحكومه لتوصيل الدعم لمستحقيه ....اللى حكوماتنا المتعاقبه مش لاقيهم .....من اول ماقامت ثوره يوليو اللى هى مجيده ....ومرورا بثوره يناير اللى هى سلميه..... وثوره يونيو اللى هى ...حسنيه.. ..وكانها مابتروحش عزبه النخل ...ولا ابواتاته..... ولا بتشوف الصعيد على الخريطه............فتجد الحكومه المصريه العظيمه وبعد قرار السيد محلب ...... تبيع الغاز للمواطن المصرى بسعر اعلى مما تبيعه ...للمواطن الأسرائيلى فى تل ابييب.... ...وهكذا ا يصل الدعم لمستحقيه ........

وفى الوقت اللى الصومال بتستخدم فيه الطاقه الشمسيه ....تدعونا الحكومه الى استخدام الفحم...

وبينما تحتفل المانيا بمرور 40 عاما على عدم انقطاع التيار الكهربى ....تحتفل الصين بزياده واراداتها الى مصر من الكشافات بالبطاريه ومولدات الكهربا الديزل ....وتقريبا يمكن تغيير اسم وزاره الكهربا ...الى وزاره قطع الكهربا ...الى هيه بقت بتيجى زياره لكل بيت .....ويابخت من زار وخفف ....الأحمال...وتؤكد الحكومه انها ترفع اسعار الكهربا فقط على المواطنين الأغنيا ....والعياذ بالله الى عندهم غسالات بالكهربا ......او مكيفات او ماشابه من هذه السلع الإستفزازيه والعياذ بالله ...

وبينما ترفع الحكومه سعر الغاز على المواطنين .....مازالت تدعم ....4 صناعات هى الحديد والأسمنت والأسمده والسيراميك ....وتسمح لهذه المصانع ذات الملكيه الأجنبيه فى الغالب..... ان تبيع منتجاتها الى السوق المحلى .....بالسعر العالمى .....وترفض ادخال الغاز للمسابك ومصانع الطوب والفنادق بأكملها ............وهو مايوفر للحكومه مليارات الجنيهات ........

بلاش دى ....

وحينما تؤكد الحكومه عبر متحدثها الرسمى ....ان الشائعات الى ماليه البلد عن رفع سعر الكهربا والبنزبن والسولار ....لا اساس لها من الصحه .........فلابد ان تعلم عزيزى المواطن ان تصريح زى دا .........صادر من وزاره الصحه ....كتحذير للمواطن الغلبان ..اللى الحكومه هتولع فيه وتولعلعه كل هذه الأسعار ...حفاظا على الصحه..... وهو تصريح للأستهلاك المحلى ...ومنتهى الصلاحيه تماما ...زى ادويه التأمين الصحى بتاع وزاره الصحه.....ازاى الصحه .....

وبعد ثوره عظيمه كان شعارها عيش ....حريه ....عداله اجتماعيه ....

فسرت الحكومه العداله الإجتماعيه ......فأصبح .... العيش على البطاقه ..........ومازالت الحريه .......على الباسبور

حلاوه طلوع الروح

 

حلاوه طلوع الروح

 

والأن عزيزى المواطن الغلبان .......الشهير بسياده المواطن ......عشان تعرف بس انك بتقرا لكاتب بركه .....مكشوف عنه اللحاف ......وبيفهم فى الطالع .....ويفتى النازل ......وبيحلل الظروف السياسيه فى البلد ......فشر معمل البرج .....

ولما احط السبكى ومحلب فى مقال واحد ......._راجع مقال الأسبوع الماضى ......خش ع الفحم_......الا ياسيدى ويطلع رئيس الحكومه بجلاله قدره  .......ويسيب الأنجليز والفرنساويين والأسرائيلين والأخوان والأرهابيين .....وبدل ما يمضى على اطباق .....زى ماقال الزعيم خالد الذكر عادل أمام ....الا ويمنع الفيلم بتاع الراجل الغلبان ......والوليه المكسوره الجناح ......الست هيفا ......

وبغض النظر ان كان لنا موقف داعم للسبكى او ضده  او مضمون او قصه او ماجاء بهذا الفيلم بالذات ....او نوع الفن الذى تقدمه السيده هيفاء ....

ومره  اخرى بغض النظر عن اولويات الحكومه والسيد محلب .....ومدى وحجم المشكلات التى تمر بها البلاد .....واللحظه الفارقه الى بقالنا 4 سنين  مش عرفين نلحقها ولا ندركها ........

فأن مشكلات بحجم  الأنتخابات الرئاسيه القادمه .....والأمن....  والدعم ..........وانقاذ الأقتصاد المتردى .......والسياحه ......والمطالب الفئويه .....وكاس العالم فى البرازيل .....تتوارى خجلا امام هذه المشكله .......

ولكنى احذر السيد محلب ......ان هذا القرار قد يكون له عواقبه الوخيمه .....التى قد تتجاوز قليوب.. ....وشبرا الخيمه ..........الفيلم كما قال النقاد منقول نقل مسطره من الفيلم الأيطالى ...."مالينا"...لمونيكا بيلوتشى ....

وبدون الأشاره الى ذلك طبعا .....

واحنا مش ناقصيين مشاكل مع ايطاليا ولا اى دوله فى الأتحاد الأوروبى .......ومش ناقصين تلاقى الست .....اشتون ......نطالنا .....بكره وهاتك يا س وج  حوالين الموضوع .....ولكلكه وعكعكه .....ومش بعيد الأخوان يخشوا  الخط .....ويستغلوا الفرصه ويشغلوا خلاياهم النايمه هناك .....ويبقى كده دعم_وخلى بالك من كلمه دعم دى_ غير مباشر للخطه والمؤامره الإخوانيه ...القطريه ....التركيه ...الباكستانيه ....الإسرائيليه الإمريكيه .....الحمساويه ....على مصر ....وكده بدل الحكومه ما توصل الدعم لمستحقيه من  بناء الوطن.....وصلت الدعم ....لكارهيه....من اعداء الوطن...

ومش هانقدر نقول بعد كده واحنا "مالينا"

 

ولمن يطالبون بعدم تدخل السياسه فى الدين .......و السلطه فى الفن ......احب افكركم  ان اخر مونيكا دخلت فى السياسه......بهدلت رئيس امريكا السابق كلينتون ..... ومسحت بيه الأرض وجابت داغه .....وخلته اعتذر للشعب كله ......فما بالكم بقى .....بالأخت بنت الحاج بيلوتشى ....ودى طاليانيه صايعه من حوارى سيسلى "صقليه"........ومش ناقصين لا المافيا الأيطاليه .....تاخد خبر ....و تدخل فى الموضوع .....

ما يعجبنى فى الموضوع ....ان الأزهر لسه بعد شد وجذب .......ما بقلوش يومين ياحسره.......اجازعرض فيلم نوح .....بسفينته.... بسلاطته ....بباغنوجه ......تقوم تيجى رياسه الوزرا وتعمل العمله ....الفحم .....دى ...

ولن نتكلم عن كشرى فصل السلطات  الذى نعيشه .....الا اننى اعتقد ان التوقيعات التى جمعنها لوقف الفحم .....لابد وان نتقدم بها وحسب فهمى الى الجهه المختصه .....الى هى فى الغالب هتكون ....هيئه الرقابه على المصنفات الفنيه .....وليست هيئه الرقابه على الصادرات والواردات .....وقد نحتاج موافقه الأزهر برده .....او المجلس المللى القبطى برده .....مايضرش.....او هيئه الصرف الصحى .....او الثروه السمكيه.....او المجتمعات العمرانيه .....فقد اتضح لدينا بما لا يدع مجال للشك .....ان الحكومه وتسهيلا على المواطنين....تعمل بنظريه الأاوانى المستطرقه ....يعنى ممكن كل جهه تصدر قرار لأى جهه اخرى   تانيه فى اى موضوع .....تابع او مش تابع ....طالما هى جهه حكوميه والسلام ....وكذلك فيما اعتقد يحق للمواطن ان يتقدم... بطلبه او خدمته او شكوته ....مع ان الشكوى لغير الله مذله ......الى اى جهه حكوميه برده .....تسهيلا عليه .......لأنه فى جميع الأحوال ستتقدم ..... هذه الجهه بشكواه ......الى اقرب صندوق زباله .....ودمتم .....

ولن نتكلم عن حريه الرأى والتعبير ...فهى مواضيع عفا  عليها الزمان .....واتهرست فى 100 فيلم قبل كده يا مان .....من اخواتنا  النشتاء ....والحكوكيين ......

الأكيد ان هذا القرار ....خدم السبكى خدمه عمره ......ودخل الست هيفا التاريخ .....ومش بعيد نلاقى الفيلم  مترشح لجايزه الأوسكار .....او ايمى........ او الجولدنجلوب ......حول السينما المقهوره والممنوعه ......فى العالم ولامؤاخذه التالت .....اللى هوا احنا .....

اما انت عزيزى المواطن .....فربنا يصبرك على مابلاك .....وان شاء الله المقال اللى جاىى هاجيبلك كام وصفه من طب الأعشاب..... لخفض ضغط الدم..... وعلاج الجلطات المزمنه ......لأن الأدويه بتاعتنا .....زى مانت عارف ميه ساقعه وما بتعالجش حاجه ......دا لو لقيتها من اساسه فى الصيدليات .....وربنا كرمك ولاقيت حد يشترى عفش بيتكم .....عشان تجيبها .....وياروح ....مابعدك روح.....

ويا عزيزى سياده معالى رئيس الوزارء .........

..و كما قال محمد لطفى ......"دلعها فى الغيارات ......تريحك فى المطبات"........

اشمعنى  بتيجى فى هيفا  .....وتتصدر 

.