ماوراء الطبيعه
والان عزيزى المواطن الغلبان _الشهير بسياده المواطن.....ولابد انك فى قمه السعاده والنشوه ....من العيش والعيشه واللى عايشينها ...
احب اهنيك وابلغك انه فى احدث استطلاعات الرأى
....سألنا كل المجروحين....ازاى نخرج البلد من الورطه دى ...لأنه كما قال الخال
الأبنودى _الله يرحمه_دخل الربيع فى اغبى كمين....شرطه.... اسم الله ....لكنه
للأسف ...غير دبلوماسى...ولا يعرف عن الدبلوماسيه شيئا....ولا يفقه فى
السياسه...اما الراقصه ....الى ماشيه مع السياسى ....فقد تركت الكباريه ....واتجهت
للبرلمان ...عبر الطريق الدائرى المنحنى ....ودى اخره برامج التنميه البشريه....
ثم اضافت مريم ...صفر الإمتحانات....ليوضع بجوار
صفر المونديال....وصفر اموال النظام السابق المهربه للخارج....وقد وضع الجميع صفحه
جديده ....فى سفر الخروج ....من هذا البلد...
وهوبلد لا يعرف الطائفيه بالتأكيد _كما ندعى
_....لكنه يعرف العنصريه .....والتحرش .....كما يعرف محاسن ....التى تأتى دائما مع الصدف.....ونزيهه
التى تأتى دائما مع الإنتخابات...اما زينب الى القانون حلف يمين طلاق بالتلاته انه
مايعرفهاش...."مييييتلكا"اللى هى _مطلقا_ كما قالت نعيمه الصغير ....طلع
متجوزها عرفى ....
اما عن احوال الطقس....فقد تحول الى صيف طويل جدا ...حارجدا ....وجاف
جدا....وشتاء قصير جاف برده ...وامتنع المطر عن التصويت ....وتم الغاء باقى الفصول
مع قانون الطوارئ.....لكنها قد تعود مع قانون الأرهاب ....مع ميل طبيعى لزياده
رواتب اعضاء الجهات السياديه ...او معاشاتهم...وعلى العاملين خارجها...مراعاه فروق
صرف العمله ...ومراجعه مكاتب التأمينات....
وانا كان نفس اديك.....بس مش قادر اديك.....
واديك فى السقف تمحر...فى المليون وحده سكنيه
واديك فى الأرض تفحر ....ع الناشف
واديك ان بوكس تشير ...واديك سيلفى وتتصور
وبسؤال المريض عن حاله .....اجاب .... يجى الطبيب
عندى اشكيله....يقول سلامتك ادعيله..... ولما ااقوله ازاى الحال ...يخبى دمعه
بمنديله....لان علاج الإيدز بالكفته لم يعد متاحا ....وعلاج فيروس سى بالبقدونس لم
يعد متاحا .....فقد جرحونا وقفلوا الأجزاخانات ....واختفى السوفالدى واللى
ماسوفالديش .....واصابنا انسداد فى القنوات الشرعيه ....وشرايين الحياه
السياسيه.... المتجلطه....
.....فلم يكن الدستور....الحزب ....احسن حظا من
الدستور.....ابو القانون ....الذى ينتهكه اعضاؤه .....والقائمين عليه ....فاستقالت
رئيسته .....بعدما اختفى ملهمه وابوه الروحى .... فى ظل حكومه تدعم التحزب الدينى
....وتكره التحزب السياسى ....فترهب الإخوان ....وتدلل السلفيين...
وطبيعى ان يتفاءل المصريون باسم قناه السويس
....فيصبح اسم لجامعه...وبنك...ومدرسه....وشارع....وعديد من الشركات ...لكن التطور
الغير طبيعى....للحاجه الساقعه.....يجعله اسم منحه وحافز .....فى دهاليز اغات
مستحفظان البيروقراطيه الوظيفيه المصريه.....عظيمه يا مصر ...يارض اللوا ...
وكما قال عمنا جلال عامر ....سيحلفون لك ان نظام
مبارك لن يعود ....هوفى الواقع لن يعود....لأنه لم يرحل بعد ....
واذا كان هذا هو الواقع والطبيعه ....فعلينا ان
نبحث فيما بعد هذا الواقع .....وما...وراء الطبيعه...عسانا ان نقابل ....مصر التى
تفرح ...
